25 Prill 2025
Kur nxënësit u ligjërojnë nxënësve, e ardhmja frymon optimizëm dhe shpresë!
Sot, nxënës të shkëlqyer nga Shkolla e Mesme e Mjekësisë “Dr.Ali Sokoli”, në kuadër të projektit “Promovimi i vlerave humane” të Kryqi i Kuq i Kosovës / Red Cross of Kosova ishin në vizitë në shkollën tonë për ta prezantuar fushatën kundër dhunës!
Duke ndërvepruar vazhdimisht me nxënësit e shkollës sonë, ata arritën t’i paraqesin llojet e ndryshme të dhunës dhe ndikimin e tyre në personalitetin e të dhunuarve, në jetën e tyre të përditshme dhe në sjelljen e tyre në të ardhmen.
Ne krenohemi me një rini të tillë, që punon në promovimin e vlerave, e sidomos kur shohim nxënës që kanë kaluar nëpër klasat tona të rikthehen dhe të reflektojnë dituri e mirënjohje me projekte të tilla!
