14.4.2025 “Një hap drejt dijes: Kolegji Universum dhuron libra për IAAP-Shtime”
Me iniciativën e kryetarit të Këshillit të Nxënësve të shkollës IAAP-Shtime, nxënësit Resul Bungu, në kuadër të projektit “Promovimi i Vlerave Humane” nga Kryqi i Kuq i Kosovës dega në Shtime u realizua një takim i përbashkët ndërmjet drejtorit të shkollës z.Labinot Rexhaj, përfaqësuesve të grupit të PVH-së dhe Kolegjit Universum. Përfaqësuesit e këtij kolegji na mirëpritën ngrohtësisht dhe shprehën mbështetjen e tyre për iniciativën e krijimit të bibliotekës së shkollës, duke dhuruar libra si kontribut i çmuar. Kolegji Universum gjithashtu premtoi mbështetje për projektet e ardhshme që do të organizohen nga shkolla jonë.
Një falënderim i veçantë i dedikohet Kolegjit Universum për bashkëpunimin, mbështetjen dhe përkushtimin e treguar ndaj zhvillimit arsimor dhe promovimit të vlerave humane në mesin e të rinjve.
